প্ৰকাশিত তাৰিখঃ ৩১ মাৰ্চ, ২০২৫
চানডুবি নিউজ ৰিপ’ৰ্ট –
গুৱাহাটী মহানগৰীৰ পাৰ্শ্বৱৰ্তী বৃহত্তৰ ৰাণী অঞ্চলৰ আন্ধেৰিজুলিৰ খেতিপথাৰৰ এটি দ গাতত পৰি ২৯ মাৰ্চত এগৰাকী কিশোৰীৰ মৃ*ত্যু ঘটে। আবেলি প্ৰায় দুই বজাত গাঁওখনৰ চাৰিগৰাকী কিশোৰী পথাৰখনত থকা গাতটোত গা ধুৱলৈ গৈছিল। কিন্তু পানীৰ গভীৰতা অনুমান কৰিব নোৱাৰি গাঁতটোত নামি দিয়াৰ লগে লগে কিশোৰীগৰাকী ডুব গৈছিল। লগত যোৱা কিশোৰীগৰাকীয়ে চিঞৰ–বাখৰ কৰি দিয়াত ওচৰত থকা কেইবাগৰাকীলোক উক্ত স্থানলৈ দৌৰি আহে।
উল্লেখ্য যে কিশোৰীগৰাকীক পানীৰ পৰা উদ্ধাৰ কৰি আনে যদিও সেই সময়ত প্ৰাণ বায়ু উৰি গৈছিল। এই সন্দৰ্ভত ৰাণী আৰক্ষী চকীত খবৰ দিয়াত লগে লগে আৰক্ষীৰ দল ঘটনাস্থলীত উপস্থিত হয়। আৰক্ষীয়ে মৃ*তদেহটো মৰণোত্তৰ পৰীক্ষাৰ বাবে জি এম চি এইচলৈ প্ৰেৰণ কৰে।
উল্লেখ্য যে মৃ*ত কিশোৰীগৰাকী অষ্টম শ্ৰেণীত পঢ়ি থকা আন্ধেৰিজুলীৰ মণ্টু বড়োৰ কন্যা ধৰিত্ৰী বড়ো।
উল্লেখ্য যে, মাটি বেপাৰীসকলৰ নিজৰ মুনাফা লাভৰ বাবে কৰি থকা কৰ্ম কাণ্ডৰ ফলত বহু পৰিয়ালৰ বিপদ ঘটিছে।
শিৰোনামৰ ফটোঃ চানডুবি নিউজ