Friday, April 4, 2025
HomeNEWSবৰিহাটত আকাশ উপ–সমিতিৰ বিহু কৰ্মশালাৰ সফল সামৰণি

বৰিহাটত আকাশ উপ–সমিতিৰ বিহু কৰ্মশালাৰ সফল সামৰণি

প্ৰকাশিত তাৰিখঃ ৩ এপ্ৰিল, ২০২৫

চানডুবি নিউজ ৰিপ’ৰ্ট –

দক্ষিণ কামৰূপৰ অগ্ৰণী সাহিত্যানুষ্ঠান নৱাৰুণ সাহিত্য সভা, আমৰাঙা-বৰিহাটৰ ভগ্নী সংগঠন আকাশ উপ-সমিতিৰ উদ্যোগত ২৭মাৰ্চৰ পৰা চাৰিদিনীয়া কাৰ্যসূচীৰে এখনি বিহু কৰ্মশালা অনুষ্ঠিত হৈ যায়। এই কৰ্মশালাত মুখ্য প্ৰশিক্ষক হিচাপে অংশ গ্ৰহণ কৰেভনিতা দেৱী আৰু বনশ্ৰী মহন্তই। প্ৰশিক্ষকদ্বয়ে বিহুৰ ঐতিহ্য আৰু পৰম্পৰাকে ধৰি ইয়াৰ লগত জড়িত ভালেমান কথা প্ৰশিক্ষাৰ্থী সকলক অৱগত কৰে। তদুপৰি বিহু সম্পৰ্কীয় প্ৰশ্নোত্তৰ শিতানো এই বেলি অনুষ্ঠিত কৰা হয়।

উল্লেখ্য যে আমৰাঙা-বৰিহাটতস্থিত ত্ৰিধাৰা আঞ্চলিক কলা সংঘৰ বাকৰিত অনুষ্ঠিত এই কৰ্মশালাত শতাধিক প্ৰশিক্ষাৰ্থীয়ে অংশ গ্ৰহণ কৰে।

কৰ্মশালাৰ সামৰণি অনুষ্ঠানটোত পৌৰহিত্য কৰে নৱাৰুণ সাহিত্য সভাৰ সভাপতি উপেন্দ্ৰনাথ ঠাকুৰীয়াই। অনুষ্ঠানটোৰ আঁত ধৰে আকাশ উপ-সমিতিৰ কাৰ্যকৰী সভানেত্ৰী মামনি কলিতাই। উক্ত অনুষ্ঠানত আকাশৰ আহ্বায়িকাদ্বয় বিজু গোস্বামী আৰু প্ৰণিতা দাস, সদস্যা সকলৰ লগতে নৱাৰুণ সাহিত্য সভাৰ উপ-সভাপতি ৰাম চৰন দাস, সম্পাদক মিতুমনি দাস, সহকাৰী সম্পাদক অনন্ত কলিতা, প্ৰাক্তন সম্পাদকদ্বয় ভাস্কৰজ্যোতি দাস আৰু গণেশ্বৰ দাস হিতৈষী সদস্য হেমন্ত তালুকদাৰকে ধৰি প্ৰাক্তন তথা বৰ্তমানৰ বিষয়ববীয়া আৰু সদস্য-সদস্যাসকল উপস্থিত থাকে।

প্ৰণিধানযোগ্য যে ২০২৪ বৰ্ষত প্ৰথমবাৰৰ বাবে অনুষ্ঠিত বিহু কৰ্মশালাখনিতো উদ্যোক্তাসকলে সফলতা লাভ কৰিছিল।

শিৰোনামৰ ফটোঃ চানডুবি নিউজ

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

Recent Comments

dr. pronoy kr pathak on Saving the Ceniputhi– A success story
jibeswar on A Step Forward