প্ৰকাশিত তাৰিখঃ ৪ নৱেম্বৰ, ২০২৪
চানডুবি নিউজ ৰিপ’ৰ্ট –
দক্ষিণ কামৰূপৰ নৱাৰুণ সাহিত্য সভা, আমৰাঙা-বৰিহাটৰ এখন সাধাৰণ সভা ৩ নৱেম্বৰত শাখাৰ কাৰ্যালয়ত অনুষ্ঠিত হৈ যায়। কমলা কান্ত দাসে সভাপতিত্ব কৰা উক্ত সভাখনত কেইবাটাও গুৰুত্বপূৰ্ণ প্ৰস্তাৱ গ্ৰহন কৰা হয়। আগন্তুক ২০২৫–২০২৭ দ্বি–বৰ্ষৰ কাৰ্যকালৰ বাবে নৱাৰুণ সাহিত্য সভাৰ স্মৃতিগ্ৰন্থ সম্পাদকৰ লগতে দুটাকৈ কাৰ্যকাল উপ-সভাপতি হিচাকে কাৰ্যনিৰ্বাহ কৰাৰ উপৰিও প্ৰাক্তন ভাৰপ্ৰাপ্ত সভাপতি উপেন্দ্ৰ নাথ ঠাকুৰীয়াৰ নাম সৰ্বসন্মতিক্ৰমে ঘোষণা কৰা হয়।
নৱাৰুণ সাহিত্য সভাৰ দ্বি–বাৰ্ষিক অধিৱেশন ২৭, ২৮ আৰু ২৯ ডিচেম্বৰতঅনুষ্ঠিত হ’ব। অধিৱেশনৰ সকলো কাৰ্যসূচীত ৰাইজৰ উপস্থিতি আৰু সহায় সহযোগিতা কামনা কৰিছে সম্পাদক মিতুমনি দাসে।
শিৰোনামৰ ফটোঃ চানডুবি নিউজ
Title Pix: Chandubi News
