29 C
Guwahati
Tuesday, August 3, 2021
Home কবিতা ভৱেশ বৈশ্যৰ কবিতা

ভৱেশ বৈশ্যৰ কবিতা

প্ৰকাশিত তাৰিখঃ ১৫ জানুৱাৰী, ২০১৬

পুৱাৰ অপেক্ষাত তুমি আৰু মই

ভৱেশ বৈশ্য

ইয়াত এখন গাঁও আছিল

পক্ষীকুলে নিতৌ কলৰোল তুলিছিল

আবাল বৃদ্ধ বণিতাই ৰজনজনাই আছিল

জোনৰ সীহবোৰত নিশাৰ আন্ধাৰ আঁতৰিছিল

ধৰি ৰাখিব পৰা হ’লে– তাহানিৰ সময়

হয়তো কাহানিও নহ’লহেঁতেন– সভ্যতাৰ আবেলি।

এৰাতিৰ বাবে শুব পৰা হ’লে– শান্তিৰে

নিশ্বাসত উঠা নমা কৰাহেঁতেন

মোৰ গাঁৱৰ চিনাকী গোন্ধ

সাৰে থাকিলোহেঁতেন ওৰে নিশা– গোন্ধ বিচাৰি

চিনাকী মাটিৰ গোন্ধ।
সময় গতিশীল

আজি কবিকুলৰ স্বপ্নত বিভোৰ পৃথিবীৰ শৈশৱ

দুৰ্নীতি, গণিকা সংগত ব্যাধিগ্ৰস্ত আজিৰ সভ্যতা

নিশ্বাসত শুহিব লাগে কলুষিতা

হলাহলে পান কৰিব লাগে গৰল

আজি পাহৰণিৰ গৰ্ভত

ইয়াত এখন গাঁও আছিল নদী আছিল

পক্ষীকুলে নিতৌ কলৰোল তুলিছিল

আবাল-বৃদ্ধ বণিতাই ৰজনজনাই আছিল

জোনৰ সীহবোৰত নিশাৰ আন্ধাৰ আঁতৰিছিল।

তেনেহ’লে ক’ত পাম মোৰ প্ৰিয় গাঁওখন

ক’ত পাম কলুষিতাহীন মোৰ আই, বাই, ভাই

আত্মক্ষয়ী সংঘাতৰ অসহনীয় যন্ত্ৰণাত

ভীতিগ্ৰস্ত মোৰ আত্মজ– দহনত দগ্ধ মোৰ শৰীৰ

সেয়ে হ’বলা ভীত-সন্তুষ্ট মোৰ গাঁৱৰ মানুহ

পূজা পাৰ্বনত অধিক মত্ত– কিবা এটা লাগে

মন্দিৰ, মছজিদ, গীৰ্জা, নামঘৰত অন্ধ তমসাৰ গোঁজৰণ

শান্তি হেনো এনেকৈয়ে আহে । বিশ্বাস ।।

মাথো পাহৰণিৰ বিফল মনোৰথ

সময় বাগৰে দিনৰ পিছত ৰাতি

হিচাপহীন জোতাৰ চ’লত মৃতকৰ পৰিমাণ বাঢ়িহে যায়

হিচাপ ৰাখোতা নাই– তাৰ ওপৰেৰে আমিও যাওঁ– বগুৱা বাই

যেন এক ৰণক্ষেত্ৰ জিকাৰহে পণ

শান্তি, সম্প্ৰীতি, একতা মাথো মুখৰহে আৱাজ

হিয়াৰ আৱাজ দিলেহে পুৱাব ৰাতি

তেনে এক নতুন পুৱাৰ অপেক্ষাত তুমি আৰু মই।

(যোগাযোগ নম্বৰঃ ৯৮৫৪২৫৭৩২৬)

LEAVE A REPLY

Please enter your comment!
Please enter your name here

Most Popular

বন বিভাগৰ আঁচনি

প্ৰকাশিত তাৰিখঃ ২ আগষ্ট, ২০২১ বন বিভাগৰ এই আঁচনিখন ৰূপায়ণৰ নামত নিশ্চয় বহু লাখ টকা খৰচ কৰিব। কিন্তু বাস্তৱক্ষেত্ৰত আঁচনিখনৰ সফল ৰূপ পাবনে? যি হাৰত...

অসম–মিজোৰাম আন্তঃৰাজ্যিক সীমা সংঘাতৰ ঐতিহাসিক কাৰণ

প্ৰকাশিত তাৰিখঃ ২ আগষ্ট, ২০২১ নীৰেন্দ্ৰ প্ৰসাদ ৰাভা – ভাৰতবৰ্ষ স্বাধীনতা লাভৰ পাছত উত্তৰ–পূৰ্বাঞ্চলত অসম, মণিপুৰ আৰু ত্ৰিপুৰা এই তিনিখন ৰাজ্য গঠন হৈছিল। আজিৰ মিজোৰাম, নগালেণ্ড,...

খেতিপথাৰত মহিলা

প্ৰকাশিত তাৰিখঃ ২৬ জুলাই, ২০২১ শাওণৰ পথাৰ। কৃষি কৰ্মত ব্যস্ত মহিলাসকল। গুৱাহাটীৰ পাৰ্শ্বৱৰ্তী ৰাণীৰ খেতিপথাৰত। ফটোঃ প্ৰভাত ৰাভা Pix: Prabhat Rabha

লক্ষ্মী ফেঁচা

প্ৰকাশিত তাৰিখঃ ২৬ জুলাই, ২০২১ এহাল লক্ষ্মী ফেঁচা। ক্ৰমান্বয়ে বিলুপ্তিৰ পিনে গতিকৰা ফেঁচা হালক মহানগৰীৰ পামহীত দেখা গৈছে। ফটোঃ মৰ্মেশ্বৰ বড়ো Pix: Marmeswar Boro

Recent Comments

dr. pronoy kr pathak on Saving the Ceniputhi– A success story
jibeswar on A Step Forward