প্ৰকাশিত তাৰিখঃ ২৫ মাৰ্চ, ২০২৪
চানডুবি নিউজ ৰিপ’ৰ্ট –
গুৱাহাটী মহানগৰীৰ পাৰ্শ্বৱৰ্তী ৰাণীৰ ৰূপকোঁৱৰ কলা পৰিষদে প্ৰতিটো বৰ্ষতে আয়োজন কৰি আহিছে ‘ৰাণী আঞ্চলিক ৰঙালী বিহু সন্মিলন’। ৰাণী আঞ্চলিক ৰঙালী বিহু সন্মিলনীয়ে এইবাৰ ৬০বৰ্ষত ভৰি দিছে। বাৰেৰহনীয়া অনুষ্ঠান সংযোজন কৰি এইবাৰৰ ৰঙালী বিহু এদিনীয়া কাৰ্যসূচীৰে আয়োজন কৰা হৈছে। এই সন্দৰ্ভত ২৪ মাৰ্চত পৰিষদৰ বিহুতলী ‘ৰূপকোঁৱৰ জ্যোতিপ্ৰসাদ আগৰৱালা ক্ষেত্ৰ’ত এক ৰাজহুৱা সভা অনুষ্ঠিত হয়। আঞ্চলিক পঞ্চায়তৰ প্ৰাক্তন সদস্য ৰমেশ বড়োৰ সভাপতিত্বত অনুষ্ঠিত ৰাজহুৱা সভাখনত সৰ্বেশ্বৰ দাসক সভাপতি, নয়ন কছাৰী আৰু বাবুল ৰাভাক যুটীয়া সম্পাদকৰূপে বাছনি কৰি ২০২৪ বৰ্ষৰ এখন নতুন কাৰ্যনিৰ্বাহক সমিতিখন গঠন কৰা হয়।
শিৰোনামৰ ফটোঃ চানডুবি নিউজ
Title Pix: Chandubi News
